النون
ندى على وردة حلوة الصبح بتفتّح
نور يملا العيون وعلينا بيصبّح
نفتح شبابيك الأمل على يوم جديد
مع إن كل يوم لأمبارح يعيد
نملى الكفوف بالمية ونرش الوشوش
نغسل معاها حلمنا اللي معشناهوش
بعد السكات
تطلع حاجات
تقتل سبات الضلمة وتزيح الستار
على مسرحية بنمثلها ليل نهار
نلقى البنات بالمريلات ع المدرسة رايحين
والأرزقية لأكل عيشهم ع الشقا ناويين
وصنايعي يفتح ورشته
نجار يحضر عدّته
وشاكوش بيبدء دقته
ويرن جرس المدرسة
على الحساب والهندسة
والدوشة بعد الوشوشة
والنون نقار بين الجارات
ف سياسة ولا مهاترات
والنون نظام بنكسّره
وعلى هوانا نفسره
والنون نجاح نستنظره
لو يجي مش بنقدّره
والنون نقاش ع القهوة دار
بين اللي فاهم والحمار
يمكن يطول حتى النهار
والنون نحارب بعضنا
على لقمة رايحة للي رازقه ربنا
والنون نغرّب شمسنا
تمشي وما تسأل عننا
والنوم يسرسب بعضنا
نلقى البيوت بتلمّنا
ولصبح بكرة تعدّنا
والنون نعاس نوم ملل
والنون نهار نشاط أمل
والنون نصب نهب قتل
الثلاثاء، 27 أكتوبر 2009
الاشتراك في:
تعليقات الرسالة (Atom)
ما شاء الله .. أسلوب حضرتك مميز في الكتابه
ردحذفبس ليه النهايه الشريره دي بس ؟ ..
ههههههه
أول مره أزورك بس أكيد بقا مش الأخيره .. و معلش هرخم و آجي هنا كتير :)
و اتمنى اتشرف بحضرتك على صفحات مدونتي المتواضعه هنا
http://ahmedabdulmohsin.blogspot.com/2010/01/blog-post_25.html
مساء الخير مريم
ردحذفوحشتينى كتير ...ووحشتنى مدونتك وكلامك واسلوبك اللى زى العسل زيك ...بس اعذرينى كنت مشغولة مع محمد فى عمل منتدى نهارك سعيد
الحمد الله تم بخير وياريت تشاركى فيه انتى واصحابك
على الرابط
http://www.nahark-sa3eed.com
مع تحيات ماما فوفو وجدى