مصرية
ومش براجل لأ مية
وست بيت ومربّية
وكمان وزيرة إقتصادية
حزم وصرامة بحنيّة
ولما أطش الملوخية
تشمها م السعودية
.............
مصرية من راسي لرجلي
بأصحي من النجمة وبدري
على أكل عيشي أقوم أجري
راضية بأرزاقي وأجري
..............
وأحب بس ف بلدي أعيش
أقفل عليا قزاز أو شيش
ولا أخدشي م العالم بقشيش
وحامدة ربي ولو معاييش
وإن شالله أكله حاف العيش
...............
مصرية وبحب المصري
والجدعنة طبعي وأصلي
ف الفجر لعيالي أنا بادعي
وأقول يا درجاتهم أعلي
.................
ف عنيّا أشيله أبو عيالي
وعشانه راح أبيع خلخالي
وأديله صيغتي وأموالي
مدام عليا البيت مالي
.................
مصرية جد ومش بهزار
ورصيدي من عند وإصرار
واضحة ومعنديش أسرار
ولا أخافش من ظالم جبار
....................
مصرية
ومش براجل لأ مية
وست بيت ومربيّة
بس ما تقولشي وليّة
الاثنين، 4 مايو 2009
الاشتراك في:
تعليقات الرسالة (Atom)
الله يامريم 00 على طشه الملوخيه المصريه 00 احبها واحب ريحتها 00 انتى ست بيت شاطرة 00 يابخت اللى يفوز بيكى 00 عروسه شاطره ومتربيه 00 والاهم انك مصريه 00
ردحذف